ABŞ Senatında Ukrayna və İzrailə yardımla bağlı brifinqdə mübahisə yaranıb

ABŞ Senatında Ukrayna və İzrailə yardımla bağlı brifinqdə  mübahisə yaranıb backend

ABŞ Senatında administrasiyanın Respublikaçılar və Demokratlar partiyaları arasında fikir ayrılıqları səbəbindən Ukrayna və İsrailə yardım xahişi ilə bağlı keçirilən “gizli brifinqdə” “gərgin” atmosfer müşahidə olunub.

Qaziler.az xarici mətbuata istinadən bildirir ki, "Fox News"-un konqres jurnalisti Çad Perqram bu barədə dekabrın 6-da X sosial şəbəkəsində (keçmiş Twitter) məlumat verib.

Müxbir Amerika Konqresinin yuxarı palatasındakı demokrat çoxluğun lideri Çak Şumerin sözlərindən sitat gətirib. O, qeyd edib ki, Senatdakı Respublikaçıların rəhbəri Mitch Makkonnell ABŞ sərhədlərinin təhlükəsizliyi məsələsini müzakirə etməyə başlayıb və bununla da görüşün mövzusunu “yayındırıb”.

Bundan əlavə, Perqramın məlumatına görə, Şumer demokrat senatorlardan birini brifinqdə iştirak edən generala qışqırmaqda ittiham edib.

Fox News jurnalisti Şimali Dakotadan Respublikaçı Kevin Kramerin görüşlərinin dramatikliyini qeyd etdiyinə də diqqət çəkib. Perqram vurğulayıb ki, Senatın Kəşfiyyat Komitəsinin sədri Mark Uorner də öz növbəsində gərgin vəziyyəti etiraf edib.

 

QAZİLER,AZ

loading...
Diaspora