“Rusiyanın bütün yeni nəsil qırıcıları Amerikanın “F-16” döyüş maşınlarına effektiv şəkildə müqavimət göstərməyə qadirdir”.

Qaziler.az xəbər verir ki, bunu rusiyalı hərbi ekspert, istefada olan polkovnik Anatoli Matviyçuk “Lenta.ru”ya müsahibəsində bildirib.

Onun sözlərinə görə, yerli təyyarələr nə sürətinə, nə də silahlanmasına görə “amerikalılardan” geri qalmır.

“Rusiya ordusunda xidmət edən bütün yeni nəsil qırıcılar – “Su-30”, “Su-35”, “MiQ-29”, “Su-34” və sair - hamısı həm sürət, həm də silahlanma baxımından “F-16”ya tab gətirə bilər", - ekspert vurğulayıb. .

O əlavə edib ki, beşinci nəsil qırıcı “Su-57” təkcə, “F-16” deyil, həm də “F-22” və “F-35”lərə asanlıqla tab gətirə bilir. Bütün xüsusiyyətlərinə görə, bu perspektivli rus təyyarəsi amerikalı həmkarları ilə eyni tipə malikdir və bəzi parametrlərə görə onları üstələyir.

Matviyçuk həmçinin Ukrayna Silahlı Qüvvələrinin F-16-dan istifadə etməyə başlayacağına şübhə etdiyini bildirib. Analitikin fikrincə, Ukrayna ordusunun havada üstünlük yaratmaq üçün kifayət qədər təyyarəsi yoxdur.

QAZİLER.AZ