Dekabrın 1-də İspaniyanın paytaxtı Madriddə M-40 dairəvi yolunda helikopter qəzaya uğrayıb, 3 nəfər xəsarət alıb.
Qaziler.az bildirir ki, hadisə “European Rotors” aviasiya sərgisinin keçirildiyi IFEMA sərgi mərkəzinin yaxınlığında baş verib.
Reuters-in məlumatına görə, helikopterdə iki nəfər olub, onlardan biri özü oradan çıxa bilib, digəri isə yanğınsöndürənlər tərəfindən dağıntılar altından xilas edilib.
“Qəza nəticəsində hər ikisi, həmçinin helikopterin vurduğu avtomobilin sürücüsü xəsarət alıb”, - nəşr yazır.
Məlumata görə, qəzadan sağ çıxanlardan biri yüngül kəllə-beyin travması alıb, digərinin bud sümüyü sınıb, üçüncüsü isə yüngül xəsarət alıb.
QAZİLER.AZ
