Afrika ölkələri demək olar ki, “hər səhər” növbəti hərbi çevriliş barədə eşidir, ona görə də qitə belə şəraitdə inkişaf edə bilməz.

Qaziler.az bildirir ki, “Jeune Afrique” jurnalı noyabrın 30-da yazır ki, bunu Dakar Beynəlxalq Sülh və Təhlükəsizlik Forumu zamanı Seneqal prezidenti Maki Sal deyib.

İclasda son dövrlərdə çevrilişlər yaşayan ölkələrin - Mali, Niger, Burkina Faso və Qvineyanın hərbi hakimiyyət orqanları iştirak etməyib. Sal ölkələri sadalamadan və üsyançı liderlərin adlarını çəkmədən dövlət çevrilişləri mövzusuna toxunub.

“Niyə hər səhər iğtişaş haqqında eşidirik? Hərbçi qardaşlarımızla nə baş verdiyini bilmirəm, amma yoldaşlarınızla danışmalısınız! Belə şəraitdə biz Afrikanı inkişaf etdirə bilmərik”, - deyə Maki Sal  bildirib.

O, Niger hərbçilərinin görüşə dəvət edilmədiyini də izah edərək qeyd etdi ki,  hamı üçün bu ölkənin yeganə nümayəndəsi orada devrilmiş prezident Məhəmməd Bazumun nümayəndələridir.

Prezident həmçinin Afrika İttifaqının nümayəndələri ilə Qərbi Afrika hərbi rəhbərlərinin görüşünün keçirilməsinin mümkünlüyü məsələsini qaldırıb.

QAZİLER.AZ