“RM Sotheby's” 1-2 dekabr tarixlərində Texas ştatının Hyuston şəhərində böyük hərrac keçirəcək.

Qaziler.az “Çempionat.com”a istinadla xəbər verir ki, hərracda nadir “Porsche” avtomobillərinin unikal kolleksiyası – hər biri ağın müxtəlif çalarlarına boyanmış “White Collection” satışa çıxarılacaq. Alıcılara “Porsche”dən 63 avtomobil və iki traktor da təklif olunacaq.

Kolleksiyanın ən bahalı nümayəndəsinin 2015-ci ilin “Porsche 918 Weissach Spyder” olacağı gözlənilir. 20 km-dən az yol qət edən avtomobil ideal vəziyyətdədir. “918 Weissach Spyder”in gözlənilən dəyəri isə 2,5-3 milyon dollardır.

Kolleksiyanın digər incisi 1973-cü il istehsalı olan “Porsche 911 Carrera RS 3.0” modelidir və 50 ədədlə məhdudlaşır. RM Sotheby's qeyd edir ki, bu, 1973-cü ildən bəri ən yaxşı qorunan “Carrera RS 3.0”dan biridir. Qiyməti təxminən 2,25-2,75 milyon dollardır.

Bundan əlavə, hərracda gözlənilən dəyəri təxminən 2 milyon dollar olan “Porsche 911”in daha bir neçə variasiyası təqdim olunacaq.

QAZİLER.AZ