İranın dəstəklədiyi İraq qruplaşmaları ABŞ-ın İraqdakı hərbi və siyasi təsirini azaltmaq üçün İsrail-Həmas müharibəsindən istifadə etməyə çalışır.

Qaziler.az bildirir ki, bu barədə RBK-Ukrayna Müharibə Tədqiqat İnstitutuna (ISW) istinadən xəbər verir.

İran liderləri ardıcıl olaraq bəyan ediblər ki, onların ən böyük strateji məqsədlərindən biri ABŞ-ı və onun təsirini Yaxın Şərqdən sıxışdırıb çıxarmaqdır. Bu ölkəni İran rejiminin təhlükəsizliyi üçün nə qədər vacib hesab etdiklərini nəzərə alsaq, onlar ABŞ-ın İraqdan çıxarılmasına xüsusi üstünlük verirlər.

Noyabrın 23-də İraqdakı "Hərəkat Hizbullah ən-Nücəba" hərəkatının baş katibi Əkrəm əl-Kəabi ABŞ-a "müharibə elan etməyə" və onun İraqdan çıxarılmasına çağıran bəyanat yayıb.

O, bu bəyanatı noyabrın 22-də ABŞ qırıcılarının İraqın Babil əyalətinin Curf əs-Sakr bölgəsindəki "Hizbullah" hədəflərinə endirdiyi zərbələrə cavab olaraq verib. Birləşmiş Ştatlar bu zərbələri son həftələrdə yaraqlıların ABŞ əsgərlərinə təkrar hücumlarına cavab olaraq həyata keçirib. Kaabi Amerika döyüş qüvvələrinin, məsləhətçilərinin və texniki işçilərinin İraqda olmasını “düşmənçilik” adlandırıb.

QAZİLER.AZ