Çinin Syamen şəhərində naməlum qadının kafedə səhər yeməyi yeyən kişini soruşmadan öpməsi internetdə müzakirələrə səbəb olub.

Qaziler.az bildirir ki, bu barədə “The Thaiger” məlumat yayıb.

Qadın səhər saatlarında kafedə səhər yeməyi yeyən ziyarətçiyə yaxınlaşıb. Naməlum qadın əlini kişinin çiyninə qoyub, sonra  onu öpüb. Bundan sonra o, sakitcə kafeni tərk edib.

Ziyarətçinin sözlərinə görə, əvvəlcə o, həmkarlarından birinin çiyninə toxunduğunu düşünüb. O, arxaya dönəndə tanımadığı qadının ona toxunduğunu görəndə çaşıb. Çinli kişi ondan polisə şikayət edib.

Hüquq-mühafizə orqanları qadının psixi sağlamlıq problemlərinin ola biləcəyini irəli sürüb.

Bir çox internet istifadəçisi qəribin davranışından şoka düşüb və onun qurbana cinsi təcavüz etdiyini bildirib. Onların fikrincə, qadın lazımi məsuliyyətə cəlb edilməlidir.

QAZİLER.AZ