İsrail hərbçiləri Qəzza zolağında hərbi texnika və silahların aşkar etdikləri “Əş-Şifa” xəstəxanasına xarici jurnalistləri buraxıblar.

Məlumata görə, jurnalistlər arasında "Fox News" kanalının müxbiri Trey İnqst də olub. O, tibb mərkəzində çəkilmiş üç video, o cümlədən İsrail hərbçilərinin silahların tapıldığı MRT otağını əks etdirən video yayımlayıb.

Qeyd edək ki, İsrail ordusu çərşənbə günü Fələstin HƏMAS hərəkatının əsas komanda qərargahının yerləşdiyi “Əş-Şifa” xəstəxanasına hücuma başlayıb. İsrail, həmçinin bildirib ki, tibb mərkəzinin altında bir neçə yeraltı kompleks və 200-ə yaxın radikalın gizləndiyi tunel və 7 oktyabr hücumunda oğurlanan girovlar saxlanılır.