ABŞ-ın Yaxın Şərqdəki bazalarına edilən hücumlarda yaralanan Amerika hərbçilərinin sayı 45-ə yüksəlib.

Qaziler.az bildirir ki, bu barədə noyabrın 6-da mənbələrə istinadən NBC News məlumat yayıb.

"Ən azı 45 amerikalı yüngül xəsarətlər və ya potensial beyin xəsarətləri alıb", - nəşr bildirib.

Qeyd olunur ki, 24-ə yaxın hərbi qulluqçu kəllə-beyin travması, daha 21 nəfər isə yüngül xəsarətlər aldıqlarına görə həkim nəzarətindədir.

“İraq İslami Müqaviməti” təşkilatının “Masrawy” portalı tərəfindən dərc edilən bəyanatına əsasən, şiə yaraqlıları noyabrın 6-da ikisi Suriyada, digər ikisi isə İraqda olmaqla ABŞ-ın dörd bazasına hücum ediblər.

QAZİLER.AZ