Avstriya Xarici İşlər Nazirliyinin rəhbəri bildirib ki, miqrasiya hökumətlərin devrilməsinə səbəb ola bilər.

Qaziler.az xarici mətbuata istinadən bildirir ki, Avstriyanın xarici işlər naziri Aleksandr Şallenberq qeyri-qanuni miqrasiyanın fəsadlarından danışıb. Bu barədə Almaniyanın Bild nəşri məlumat yayıb.

"Miqrasiya hökumətləri devirə biləcək bir məsələdir", - deyə Şellinberq bildirib. Rəsmi şəxs qeyri-qanuni miqrasiyanı yaxın illərdə səngiyə bilməyən problem adlandırıb.

"Avstriya hazırda kontinental Avropada adambaşına düşən ən yüksək yükə malikdir", - xarici işlər naziri Almaniyada danışıqlar zamanı vurğulayıb. Nazir həmçinin qeyd edib ki, Almaniya nəhayət, qeyri-qanuni miqrasiya ilə mübarizə tədbirlərini müzakirə etməlidir.

Şallenberq həmçinin ölkəni tərk etməli olanların geri qayıtmamasından narahat olduğunu bildirib. "Aİ-də yaşamaq hüququ olmayan insanları deportasiya edə bilməsək, sistem absurd vəziyyətə düşəcək" deyə Avstriya XİN rəhbəri fikrini yekunlaşdırıb.

QAZİLER.AZ