İngiltərədəki McDonald's-a Fələstin bayrağının rənglərinə boyanmış siçanlar buraxılıb

Qaziler.az bildirir ki, Fələstinli bir tərəfdar Fələstin bayrağının rənglərinə boyanmış onlarla siçanı Britaniyanın qərbində, Birmingemdə McDonald's fast food restoranına buraxıb.

Bu barədə "Evening Standard" xəbər verir.

Məqalədə deyilir: "Bir fəal McDonald's-ın Birmingemdəki filialına Fələstin bayrağının rənglərinə boyanmış canlı siçanları buraxdı".

Qeyd olunur ki, restoranda baş verənlərin videosu TikTok sosial şəbəkəsində yayımlanıb, lakin ertəsi gün müəllifin hesabı silinib.

Məlumata görə, görüntülərdə naməlum şəxsin avtomobilin yük yerindən bir qutu boyalı siçan götürərək McDonald's-a girərək heyvanları buraxması əks olunub. Daha sonra o, Fələstinin azad edilməsinə çağırışlar səsləndirərək oranı tərk edir.

Fəal həmçinin İsrail Müdafiə Qüvvələrinə (IDF) dəstək verən brendləri boykot etməyə çağırıb. Nəşr bu etirazın McDonald's-ın İsrail hərbçilərinə minlərlə pulsuz yemək vermək qərarı ilə bağlı olduğunu ehtimal edir.

QAZİLER.AZ