Gürcüstanın İsraildəki səfiri Laşa Jvaniyanın sözlərinə görə, ümumilikdə 15 min nəfər İsraildən Gürcüstana, o cümlədən Gürcüstan vətəndaşlığı olan 1500 nəfər gedib.

Qaziler.az gürcü mətbuatına istinadən bildirir ki, bunu Gürcüstanın İsraildəki səfiri Laşa Jvaniya jurnalistlərə bildirib.

“Son 24 gün ərzində təkcə Gürcüstan vətəndaşlığı olan 1500-ə qədər insan ölkəni tərk edib. İkili vətəndaşlığı olanları saya bilmərik. Ümumilikdə İsraildən Gürcüstana 15000 nəfər, o cümlədən 1500 Gürcüstan vətəndaşı gedib”, - səfir qeyd edib.

Bundan əlavə, Laşa Jvaniya İsraildəki hazırkı vəziyyətdən danışıb.

Səfirin sözlərinə görə, bir neçə həftədir davam edən stresli vəziyyət insanların psixikasına təsir edib, ona görə də səfir ağır stress fonunda olan insanlara ətraf mühitdən uzaq durmağı və İsrailin mərkəzi hissəsinə köçməyi və ya öz vətənlərinə qayıtmağı tövsiyə edir. 

QAZİLER.AZ