Macarıstan hökumətinin başçısı Viktor Orban indi Avropa İttifaqında əvvəlkindən daha çox təcrid olunub və Aİ-ni Budapeştlə daha çox problem gözləyir.

Qaziler.az bildirir ki, “The Guardian” nəşri Aİ-də yüksək vəzifə tutan anonim diplomatlara istinadən xəbər verir.

"Orbanın Pekində Putinlə bu yaxınlarda keçirdiyi görüş və Macarıstanın baş nazirinin Aİ-ni Sovet İttifaqı ilə müqayisə etməsi bizim bu ölkəyə hələ də müttəfiq və tərəfdaş kimi etibar edə biləcəyimizi sual altına qoyur" - deyə anonimlik şərtləri ilə danışan bir avropalı diplomat bildirib.

Diplomat əlavə edib ki, Macarıstanla bağlı problemlər "daha dərinləşəcək və strateji əhəmiyyətli məsələlər üzrə birgə qərarları getdikcə daha çox təhdid edəcək".

İkinci yüksək rütbəli avropalı diplomat deyib: “Macarıstan getdikcə təcrid olunur, çünki İsveçin NATO-ya üzvlüyünü gecikdirməsi bütün müttəfiqlərin təhlükəsizliyinə mənfi təsir göstərir”.

QAZİLER.AZ