ÇXR özünün kosmik missiyalarında iştirak etmək üçün əcnəbiləri qəbul etməyə və onları öz orbital stansiyasında yerləşdirməyə hazır olduğunu bildirib.
Qaziler.az bildirir ki, bu barədə “EADaily” “Sinxua” agentliyinə istinadən yazır.
Məlumata görə, Çinin İnsanlı Kosmik Uçuş Proqramı Administrasiyasının (CMSA) direktor müavini Lin Xiang müxtəlif ölkələrdən mütəxəssisləri əməkdaşlığa dəvət edib.
“Biz kosmosun tədqiqi ilə məşğul olan bütün ölkələri və regionları Çinlə əməkdaşlığa dəvət edirik və onların orbital stansiyamızda missiyalarda iştirakını alqışlayırıq”, - deyə Xiang bildirib.
QAZİLER.AZ
