Noyabrın 8-də Avropa İttifaqının icra hakimiyyəti orqanları Ukraynanın üzvlük iddiasında əldə etdiyi irəliləyişin qiymətləndirilməsini təqdim etməyə hazırlaşır.

Qaziler.az bildirir ki, bu barədə “Reuters” xəbər verir.

Bu, Aİ-nin Ukrayna ilə üzvlük danışıqlarına başlanıb-başlamaması ilə bağlı qərarında əsas addım olacaq, deyə üç rəsmi bildirib.

Qiymətləndirmə Brüsseldə yerləşən Avropa Komissiyasının illik hesabatında təqdim olunacaq və 27 ölkəni əhatə edən bloka qoşulmaq istəyən ölkələrin tələb olunan iqtisadi, hüquqi və digər meyarlara cavab verməkdə nə qədər irəliləyiş göstərdiyini təfərrüatlandıracaq.

Qeyd olunur ki, Aİ liderlərinin dekabrın 14-15-də keçiriləcək sammitində Rusiya ilə müharibə getdiyi bir vaxtda Ukrayna üçün əsas prioritetlərdən biri olan Ukraynanın Aİ-yə üzvlüyü ilə bağlı rəsmi danışıqlara başlanılması barədə qərar qəbul ediləcək.

QAZİLER.AZ