Fransa hakimiyyəti maksimum terror təhlükəsi səviyyəsi tətbiq etmək qərarına gəlib.
QAZİLER.AZ Publika.az-a istinadən xəbər verir ki, buna səbəb ölkənin şimalında yerləşən Arras kommunasında məktəb müəlliminin öldürülməsi və İsraildəki böhran fonunda təhlükənin artması olub.
Ölkədə tətbiq edilən “Terror aktı təhlükəsi” səviyyəsi hazırkı “Vigipirate” antiterror planında nəzərdə tutulan üç səviyyədən maksimumudur.
Qərar Fransa Prezidenti Emmanuel Makronun sədrliyi ilə Yelisey sarayında keçirilən iclasdan sonra Baş nazir Elizabet Born tərəfindən qəbul edilib.
Qeyd edək ki, “Terror aktı təhlükəsi” səviyyəsinin tətbiqi barədə qərar hücumdan dərhal sonra, həmçinin ölkədə yeri müəyyən edilməmiş terror qruplaşması olduqda verilə bilər.
