Aİ-yə üzv olmaq üçün Ukraynadan daha sərt tələblər irəli sürülmüş Gürcüstana münasibətdə Avropa İttifaqı ikili standartlardan və ikiüzlülükdən əl çəkməlidir.

Qaziler.az bildirir ki, bunu iki ölkə hökumətlərinin ilk birgə iclasının keçirildiyi Tbilisidə baş nazir Viktor Orbanla birlikdə olan Macarıstanın xarici işlər naziri Peter Siyarto deyib.

Nazir Macarıstanın Gürcüstanın Aİ-yə vaxtından əvvəl qoşulmasının tərəfdarı olduğunu təsdiqləyib və 2022-ci ildə Ukrayna və Moldovadan fərqli olaraq bu ölkəyə üzvlük namizədi statusunun verilməməsindən şikayətlənib. “Təəssüf ki, Avropa İttifaqı Gürcüstana qarşı son dərəcə ikiüzlülük nümayiş etdirir və ikili standartlar tətbiq edir, çünki Ukrayna və Moldova Gürcüstanın namizəd olması üçün ilkin şərt kimi təqdim edilən 12 bənddən ibarət siyahını həyata keçirmək məcburiyyətində deyildilər”, - Sijarto Facebook-dakı videomüraciətində deyib. 

Nazir əmin edib ki, “Macarıstan Avropa İttifaqına daxil olmaq prosesində Gürcüstana lazımi dəstəyi verəcək”. “Avropa Komissiyasına təqdim olunan aralıq hesabat sübut edir ki, gürcü dostlarımız üzvlük prosesində mühüm irəliləyiş əldə ediblər”, - Siyarto qeyd edib.

QAZİLER.AZ