Rusiyanın Samara şəhərində ticarət mərkəzində insanların olduğu lift qırılıb.
Qaziler.az Rusiya mətbuatına istinadən bildirir ki, “Viva Lend” ticarət mərkəzində 18 yaşlı üç gəncin olduğu lift çöküb. Bu barədə “CP Samara” Telegram kanalında məlumat verilib.
Hadisə oktyabrın 9-da axşam saatlarında ticarət mərkəzinə gələn çoxsaylı ziyarətçilərin gözü qarşısında baş verib. Şüşə lift ikinci mərtəbənin hündürlüyündən düşüb, hadisə zamanı kabinədə üç gənc olub.
Hadisə zamanı xəsarət alan olmayıb.
Hadisənin baş vermə səbəbləri hüquq-mühafizə orqanları tərəfindən müəyyən edilir.
QAZİLER.AZ
