İspaniya Ukraynanın Avropa İttifaqına üzvlüyünü dəstəkləyir. 

Ukrayna prezidenti Vladimir Zelenski və İspaniyanın baş naziri Pedro Sançes Qranadada görüşəcək və ispaniyalı nazir bu barədə Zelenskiyə məlumat verəcək.

Bu barədə “RBC-Ukrayna” “El Pais”ə istinadən məlumat yayıb.

İspaniya hökumətinin başçısı Avropa Siyasi Birliyinin sammitinə gələrkən bildirib ki, İspaniya Avropa İttifaqının 28-dən 35-ə qədər genişlənməsini dəstəkləyir.

Bu gün, oktyabrın 5-də Sançes sammitin rəsmi hissəsinin başlamasından əvvəl Ukrayna Prezidenti Vladimir Zelenski ilə şəxsi görüş keçirəcək. Görüş zamanı Sançesin Ukrayna liderinə həm Rusiya ilə müharibədə, həm də Aİ-yə üzvlük məsələsində Ukraynaya dəstək anonsu verəcəyi gözlənilir.

QAZİLER.AZ