Hindistanın Sikkim əyalətində baş verən daşqın nəticəsində ilkin məlumata görə, 14 nəfər həyatını itirib, 23-ü əsgər olmaqla 120 nəfər itkin düşüb.

Qaziler.az bildirir ki, Hindustan Times-ın məlumatına görə, Sikkim Dövlət Fəlakət İdarəetmə İdarəsinin baş direktoru Prabhakar Rai qeyd edib ki, yerli vaxtla saat 22:00 radələrində Laçen bölgəsində suyun səviyyəsi qəfil qalxıb və daşqın baş verib.

Ştat rəsmiləri ilkin məlumatlara görə, daşqın nəticəsində 14 nəfərin həyatını itirdiyini, 23-ü əsgər olmaqla 120 nəfərin itkin düşdüyünü açıqlayıb.

Ordudan verilən açıqlamada bölgədəki hərbi qurumda olan 23 hərbçinin sel zamanı itdiyi bildirilib.

QAZİLER.AZ