Kremlin sözçüsü Dmitri Peskov bildirib ki, Rusiya prezidenti Vladimir Putin 71 yaşını işləri ilə məşğul olarkən qeyd edəcək.

Qaziler.az TASS-a istinadla xəbər verir ki, onun sözlərinə görə, həmin gün - oktyabrın 7-də qeyri-rəsmi sammitlər planlaşdırılmır.

“Xeyr, qeyri-rəsmi sammit nəzərdə tutulmayıb, lakin 7-də müntəzəm tədbirlərin keçirilməsi planlaşdırılır. Biz vaxtı çatanda sizə məlumat verəcəyik”, - Peskov bildirib.

Qeyd edilib ki, ötən ilin oktyabrın 7-də Sankt-Peterburq yaxınlığındakı Konstantinovski sarayında MDB ölkələrinin qeyri-rəsmi sammiti keçirilib. Daha sonra Belarus prezidenti Aleksandr Lukaşenko Putinə ad günündə toxum səpən “Belarus-1523.3” traktoru hədiyyə edib. O, bildirib ki, “liderlər birlikdə taxıl əkib Avropaya göndərəcəklər ki, acından ölməsinlər və Ukraynadan taxıl oğurlamasınlar”.

QAZİLER.AZ