“Polşa ölkəsindəki silahlar yeniləri ilə əvəz edildikdən sonra Ukraynanı köhnə hərbi texnika ilə təchiz etməyə hazırdır”.

Qaziler.az UNİAN-a istinadla xəbər verir ki, bunu Polşa prezidenti Anjey Duda baş nazir Mateuş Moravetskinin Ukraynaya silah tədarükünün dayandırılması ilə bağlı bəyanatını şərh edərkən qeyd edib.

Duda Polşanın “Super Express” nəşrinə verdiyi müsahibədə baş nazirlə məsləhətləşmələr apardığını və Polşadan Ukraynaya hər hansı yeni avadanlığın ötürülməsindən söhbət ola bilməyəcəyi barədə razılığa gəldiklərini bildirib.

"Hər ikimiz dedik ki, hazırda aldığımız hər hansı yeni texnikanın, məsələn, K2 haubitsalarının və ya K9 tanklarının göndərilməsindən söhbət gedə bilməz. Bu texnika Polşa ordusunun güclənməsinə xidmət etməlidir. Biz milyardlarla pulu onu itirmək üçün xərcləmirik" - Duda vurğulayıb.

QAZİLER.AZ