“Ukraynanın hazırkı prezidenti Volodimir Zelenski növbəti prezident seçkilərində iştirakdan imtina edə bilər”.

Qaziler.az “nyus.ru”ya istinadla xəbər verir ki, bu sözləri onun həyat yoldaşı Yelena Zelenskaya “Business Insider”ə müsahibəsində deyib. O qeyd edib ki, Zelenski Ukrayna cəmiyyətinin istəklərindən asılı olaraq, seçkilərdə iştirakla bağlı qərar verəcək.

"Bu qərar bizim cəmiyyətin prezident kimi ona ehtiyacı olub-olmamasından asılı olacaq. Əgər o hiss etsə ki, Ukrayna ictimaiyyəti onu daha ölkə lideri kimi görmək istəmir, o zaman çox güman ki, namizədliyini irəli sürməyəcək”, - Zelenskaya deyib.

Yelena Zelenskaya ərinin istənilən qərarını dəstəkləməyə hazır olduğunu bildirib. O qeyd edib ki, birinci prezidentlik müddətindən sonra ailənin artıq müəyyən təcrübəsi var.

QAZİLER.AZ