Almaniya və Polşa arasında yüz minlərlə miqranta qanunsuz viza verilməsi ilə bağlı qalmaqal yaranıb. Bununla bağlı Almaniya kansleri Olaf Şolz ölkələr arasında sərhəd nəzarətini bərpa etməklə hədələyib.

QAZİLER.AZ  APA-ya istinadən xəbər verir ki, bu barədə Bloomberg məlumat yayıb.

“Polşada baş verən viza qalmaqalı araşdırma tələb edir. Mən Polşanın miqrantları bu cür buraxmasına razı deyiləm” – kansler bildirib.

Kansler əlavə edib ki, bu məsələni Polşa hökuməti ilə müzakirə edəcək və Polşa və digər qonşu ölkələrlə sərhəd nəzarətinin tətbiqi imkanlarını gündəmə gətirəcək.

Almaniya polisinin məlumatına görə, bu ilin birinci yarısında Polşa ilə sərhəddə 12 mindən çox qeyri-qanuni miqrant saxlanılıb.