ABŞ-ın Oklohoma ştatının rəhbərliyi 1997-ci ildə öz rəisinin qətlində təqsirli bilinən Riçard Qlossipin edamına bir dəqiqə qalmış hökmün icrasını bir ay təxirə salıb.

AZƏRTAC Euronews telekanalına istinadla xəbər verir ki, ştatın qubernatoru Meri Fellin bu qərarı edam üçün istifadə olunan öldürücü inyeksiyanın keyfiyyətinə şübhə yaranması ilə izah edib.

Qlossipin edamı artıq üçüncü dəfədir ki, təxirə salınır. Bu dəfə cəzanın icrası noyabrın 6-na təyin edilib. Riçard Qlossip öz günahını inkar edir və qatilin ömürlük həbs cəzasına məhkum olunmuş iş yoldaşı Castin Snid olduğunu deyir.

Ötən il Oklohoma ştatında Kleyton Lokketin edamı da keyfiyyətsiz preparatlar səbəbindən baş tutmamışdı. O, inyeksiyadan 20 dəqiqə keçməsinə baxmayaraq, can verməkdə davam etmiş və nəticədə ağır iztirablar çəkərək ölmüşdü.

Hazırda ölüm cəzası ABŞ-ın 50 ştatının yalnız 19-da ləğv edilib