Birləşmiş Ştatlar və onun G7 müttəfiqləri hesab edirlər ki, Ukraynadakı müharibə illərlə davam edə bilər və bu ehtimalı öz hərbi və maliyyə planlarına daxil edirlər.

Qaziler.az UNİAN-a istinadla xəbər verir ki, Avropanın G7 ölkələrindən birinin yüksək rütbəli rəsmisi müharibənin hələ 6-7 il davam edə biləcəyini bildirib. Bu, bir çox Qərb rəsmilərinin bu ilin əvvəlində gözlədiyi müddətdən xeyli uzundur. Jurnalistlərin fikrincə, son aylar Ukraynanın əks-hücum əməliyyatında ləng irəliləyişi gözləntiləri azaldıb.

ABŞ Dövlət Departamentinin adının açıqlanmasını istəməyən yüksək rütbəli rəsmisi jurnalistlərə deyib: “Böyük yeddilik nümayəndələri bazar ertəsi axşam BMT Baş Assambleyası çərçivəsində nahar zamanı acınacaqlı mənzərəni müzakirə ediblər və münaqişənin orta və uzunmüddətli perspektivdə davam edəcəyi ilə bağlı razılığa gəliblər”.

QAZİLER.AZ