Ukrayna Müdafiə Nazirliyi KH-S7 pilotsuz təyyarəsini Ukrayna Silahlı Qüvvələrinin istismarı üçün təsdiqləyib.

Qaziler.az xarici mətbuata istinadən bildirir ki, Ukrayna Silahlı Qüvvələri Ukrayna istehsalı olan yeni KH-S7 hücum pilotsuz təyyarəsi alıb.

Bu barədə ölkənin Müdafiə Nazirliyi Telegram kanalında bildirib.  Qeyd edilib ki, dron dünyanın ən yaxşı istehsalçılarının komponentlərindən yığılıb, onun daşıma qabiliyyəti, manevr qabiliyyəti və dəqiqliyi həm tərtibatçılar, həm də operatorlar tərəfindən yüksək qiymətləndirilir.

PUA rəqəmsaldır, FullHD təsvir keyfiyyətini təmin edir və missiya zamanı əlavə kəşfiyyatın aparılmasına kömək edir”, – Ukrayna Müdafiə Nazirliyinin bəyanatında deyilir.

Onlar həmçinin bildiriblər ki, dron yeddi kilometr məsafəyə 1 kq yük daşımaq qabiliyyətinə malikdir və onun maksimal uçuş məsafəsi doqquz yarım kilometrdir.

Nazirlik əlavə edib ki, 3 kq-a qədər yükgötürmə qabiliyyətinə malik daha bir pilotsuz uçuş aparatı olan KH-S10 pilotsuz təyyarəsinin qeydiyyat prosesi artıq davam edir.

QAZİLER.AZ