Əldə edilən məlumata görə “iPhone 15”, “15 Plus”, “15 Pro” və “15 Pro Max” modellərinin ekranlarının əksəriyyəti “Apple”ın ən böyük rəqibi olan “Samsung” tərəfindən istehsal olunacaq.

Qaziler.az xarici KİV-ə istinadla xəbər verir ki, “Apple”ın ekran tədarükçüsü Çində yerləşən BOE şirkəti keyfiyyətə nəzarət testindən keçə bilməyib. İddialara görə, Çin istehsalçısı ”Face İD” ilə bağlı bəzi problemlər yaşayıb və “Apple” son anda ekran sifarişlərinin çoxunu “Samsung”a verib.

Beləliklə, “iPhone 15 Pro" və “15 Pro Max”ın LTPO OLED ekranları LG və “Samsung” tərəfindən istehsal olunacaq.

BOE problemləri həll edə bilsə, ilin sonuna kimi “Apple”dan sifarişlər ala bilər, lakin şirkətin məsələ ilə bağlı heç bir açıqlama verməməsi problemin ciddi olduğunu göstərir.

Qeyd edilib ki, “iPhone 14” modellərində istifadə edilən ekranların 70 faizi hazırda “Samsung” tərəfindən istehsal olunur.

QAZİLER.AZ