Ayın Cənub qütbünə enən ilk ölkə olan Hindistan bu yaxınlarda Günəşə peyk göndərib. Aditya peyki Günəşin ən üst təbəqəsini və günəş küləklərini müşahidə etməyə xidmət edəcək.

Qaziler.az xarici KİV-ə istinadla xəbər verir ki, Hindistan Kosmik Agentliyi (ISRO) ölkənin Günəş müşahidə missiyasının Günəşə doğru hərəkət edərkən göndərdiyi ilk görüntüləri paylaşıb.

Şəkillərdən birində Yer və Ay tək kadrda göstərilir; Yer böyük görünsə də, Ay uzaqdan kiçik bir zərrə kimi görünür.

Günəş missiyası üçün yola çıxan Aditya-L1 adlı kosmik gəminin səyahəti təxminən 4 ay davam edəcək.

Səyahət Yerdən 1,5 milyon kilometr aralıda yerləşən LEGRANJ-da başa çatacaq.

Kosmik gəminin burada 5 ildən çox qalması planlaşdırılır. Missiyanın məqsədi Günəşdəki hərəkətləri izləmək və onların kosmosdakı təsirlərini öyrənmək üçün rəsədxana yaratmaqdır.

QAZİLER.AZ