Çinin Fucien əyalətində uzunayaqlı və quşa bənzər kiçik dinozavra aid fosil aşkar edilib.

Qaziler.az-ın məlumatına görə, “Anadolu Agentliyi” CNN-ə istinadla xəbər verir ki, "qəribə Fucianlı ovçu" mənasını verən "Fujianvenator prodigiosus" adlanan dinozavr Son Yura dövründə (148-150 milyon il əvvəl) indiki Çinin Fucien əyalətində yaşayıb.

Sözügedən dinozavrın əksər dinozavrlardan fərqli olaraq, budlarının iki qat uzunluğunda aşağı ayaqları olub.

“Nature” jurnalında dərc olunan tədqiqatın aparıcı müəllifi Pekindəki Onurğalılar Paleontologiyası və Paleoantropologiya İnstitutunun professorudur. Dr. Min Wang təxminən 640 qram ağırlığında olan dinozavrın kəşfinin əhəmiyyətli olduğunu və tapıntının quşların mənşəyi ilə bağlı fosil qeydlərindəki boşluğu doldurduğunu açıqlayıb.

"Unikal skelet formasını nəzərə alaraq, Fujianvenator quşların ən erkən təkamül dövrü olan morfoloji təkamülə yeni işıq salır", Min deyib.

QAZİLER.AZ