Alimlər Uels sahillərində 200 metr dərinlikdə baza tikmək planlarını açıqlayıblar.

Qaziler.az xarici KİV-ə istinadla bildirir ki, tədqiqatçılar burada 28 gün yaşayaraq bəzi sınaqlar edəcəklər.

“Sentinel” adı verilən baza alimlərə dəniz canlılarının 90 faizinin yerləşdiyi təxmin edilən Epipelagik bölgəsinə geniş giriş imkanı verəcək.

DEEP-ə görə, okeanın bütün bu hissəsini hərtərəfli tədqiq etmək elm adamlarının okeanları müşahidə etmə, izləmə və anlama tərzində böyük dəyişikliyə səbəb olacaq.

Tez-tez günəş şüaları zonası olaraq adlandırılan Epipelagik bölgə səthdən 200 metrə qədər uzanır.

Alimlər hazırda bu ərazini sualtı qayıqlarla tədqiq edə bilsələr də, adətən onlar yalnız bir neçə saat su altında qala bilirlər.

Tədqiqatçılara bu əraziyə daha geniş giriş imkanı vermək üçün DEEP Böyük Britaniyanın qərb sahillərində daimi baza tikməyi təklif edir.

QAZİLER.AZ