“Microsoft” korporasiyası “OS Windows 10” əməliyyat sistemini istifadəyə verəndən iki ay sonra bu əməliyyat sistemini müxtəlif avadanlıqlara yükləyənlərin sayı 100 milyon nəfəri keçib.

İKT.lent.az-ın “gazeta.ru” saytına istinadən məlumatına görə, bu barədə “Ubergizmo” portalında xəbər verilib.

Belə ki, “Windows 10” satışa çıxarılandan ilk 24 saat ərzində 14 milyon istifadəçi bu əməliyyat sistemində qeydiyyatdan keçib. İki həftədən sonra bu rəqəm 50 milyon nəfərə çatıb ki, bu da ümumi əməliyyat sistemləri bazarının 5 faizini təşkil edib. Bir aydan sonra isə bu rəqəm 75 milyon nəfər olub ki, bu da kompüterlərin sürətlə yeniləndiyindən xəbər verir.

“Microsoft” rəsmiləri “Windows 10” istifadəçilərinin sayını 3 milyard istifadəçiyə çatdırmağı düşünürlər. Bu da öz növbəsində yükləmələrin sayını nəzərə alsaq, tam olaraq başa gələn bir plandır.