Hindistanın Kosmik Agentliyi ISRO bu həftə "Çandrayaan-3" missiyası çərçivəsində Aya kosmik gəmini uğurla endirdikdən sonra Günəşi öyrənmək üçün yeni peyk buraxmağa hazırlaşır.

Qaziler.az xəbər verir ki, bu barədə “The İndependent” məlumat yayıb.

Hindistanın Ayın cənub qütbünə kosmik gəmi endirmək üzrə iddialı missiyası ( başqa heç bir ölkə bu uğura imza ata bilməyib) bir neçə gündən sonra “Aditya-L1” peykinin buraxılmasını izləyəcək.

Bu barədə ISRO “X”də (Twitter) "Aditya-L1”in Günəşi tədqiq etmək üçün ilk kosmik əsaslı Hindistan rəsədxanasının sentyabrın 2-də işə salınması planlaşdırılır” açıqlayıb.

Kosmik gəminin Hindistanın əsas kosmodromundan, Andhra Pradeş ştatının cənubundakı Şriharikotadakı Satish Dhawan Kosmik Mərkəzindən qalxması planlaşdırılır.

Hind dilində "Günəş" mənasını verən Aditya ilə ISRO ilk dəfə kosmosdan Yerə ən yaxın ulduzun fəaliyyətini müşahidə etməyə və onun günəş fırtınaları kimi kosmik hava hadisələrinə təsirini real vaxt rejimində müşahidə etməyə ümid edir.

Hindistan kosmik agentliyi Günəşin davamlı və aydın görünüşünü əldə etmək üçün kosmik gəmini Yerdən təxminən 1,5 milyon km uzaqlıqda yerləşən Laqranj Nöqtə 1 (L1) kimi tanınan bölgədə halo orbitinə yerləşdirməyə ümid edir.

"Aditya-L1 üçün buraxılışdan L1-ə qədər olan ümumi səyahət müddəti təxminən 4 ay çəkəcək", kosmik agentlik bildirib.

QAZİLER.AZ