"Vaqner"in yaradıcısı Yevgeni Priqojinin dəfn mərasimi Sankt-Peterburqda qəbiristanlıqda "qapalı" keçirilib.

Qaziler.az xarici mətbuata istinadən bildirir ki, Priqojinin “Konkord” şirkətindən verilən yazılı açıqlamada avqustun 23-də Tver vilayətində şəxsi təyyarənin qəzaya uğraması nəticəsində dünyasını dəyişən Priqojinin dəfn mərasimi ilə bağlı məlumat yer alıb.

Priqojinin Sankt-Peterburqda qəbiristanlıqda dəfn edildiyi bildirilən açıqlamada: “(Priqojin) Yevgeni Viktoroviçin vida mərasimi qapalı şəkildə həyata keçirilib. Onunla vidalaşmaq istəyənlər Porokovskoye qəbiristanlığını ziyarət edə bilərlər”, -  deyilib.

Kremlin sözçüsü Dmitri Peskov bu gün verdiyi açıqlamada Priqojinin dəfni ilə bağlı qərarların onun yaxınları tərəfindən verildiyini və Rusiya prezidenti Vladimir Putinin mərasimdə iştirak etməyəcəyini bildirmişdi.

QAZİLER.AZ