Ötən gün Avropa Şurası Parlament Assambleyasının (AŞPA) payız sessiyasının ikinci iş günündə qurumun baş katibi vəzifəsinə seçkilər keçirilib.
APA TV-nin xəbərinə görə, AŞPA baş katibi postuna seçkilər iki namizəd - Assambleyanın hazırkı baş katibi Voytsex Savitski və serbiyalı xanım Svetislava Bulajiç arasında keçirilib.Voytsex Savitski 140 səs toplayaraq yenidən AŞPA-nın baş katibi vəzifəsinə seçilib. Xanım Svetislava Bulajiçə isə 108 deputat səs verib.
Qeyd edək ki, AŞPA-nın baş katibi Voytsex Savitski daha 5 il müddətinə bu vəzifəni icra edəcək. Onun hazırkı baş katiblik mandatı gələn ilin fevral ayında bitməli idi.
