“Apple” sentyabrın 12-də  keçiriləcək tədbirində maraqla gözlənilən “iPhone” modellərini rəsmi olaraq təqdim edəcək.

Qaziler.az xarici KİV-ə istinadla xəbər verir ki, şirkət oktyabr ayında yeni tədbir təşkil etməyi də planlaşdırır.

“iPhone 15” modelləri ilə yanaşı, “Apple” təşkil edəcəyi tədbirlərlə yeni ağıllı saatlarını və kompüterlərini də nümayiş etdirəcək.

Mənbənin sözlərinə görə, ilk payız tədbiri sentyabrın 12-də keçiriləcək. Bu tarixdə “iPhone 15”, “iPhone Plus”, “iPhone Pro” və “iPhone Pro Max” modellərinin daxil olduğu yeni smartfon seriyası təqdim ediləcək.

Bundan əlavə, “Apple Watch Series 9” və “Ultra 2” smart saatları da tədbirdə təqdim olunan məhsullar arasında olacaq.

“Apple” oktyabr ayında keçiriləcək ikinci tədbirində M3 prosessorlu ilk “Mac” kompüterlərini təqdim edəcək.

QAZİLER.AZ