Quraqlıq və pis siyasət Avropada qlobal su qıtlığına səbəb ola bilər.

Qaziler.az Rusiya mətbuatına istinadən bildirir ki, quraqlıq və su qıtlığı bir sıra Avropa ölkələrində məhsuldarlığın azalmasına aparır.

Britaniyanın "Financial Times" (FT) qəzetinin yazdığına görə, vəziyyət anomal isti temperatur, artan meşə yanğınları və hökumətin zəif siyasəti ilə daha da ağırlaşır.

Qəzetin yazdığına görə, 1976-2006-cı illər arasında Avropa İttifaqı ölkələrində quraqlıqların sayı və intensivliyi təqribən 20% artıb və hazırda böyüməkdə davam edir. Eyni zamanda, ekspertlər 2030-cu ilə qədər mövcud su təchizatını 56% üstələyəcək şirin suya qlobal tələbatın daimi artacağını proqnozlaşdırırlar.

Nəşr su qıtlığı fonunda Avropada iğtişaşların artacağını proqnozlaşdırır və misal kimi qitənin ən böyük su istehlakçısı olan Fransa və İspaniyada fermerlər arasında toqquşmaları göstərir.

QAZİLER.AZ