Yevgeni Priqojinin ehtimal olunan ölümü "Vaqner" qrupunda sabitliyi dərindən pozacaq.

Qaziler.az bildirir ki, bu barədə RBC-Ukrayna Britaniya Müdafiə Nazirliyinə Twitter səhifəsinə istinadən məlumat yayıb.

Məlumatda qeyd olunur ki, "Vaqner" qrupunun üsyanından düz iki ay sonra "Vaqner"lə əlaqəli “Embraer” biznes-jeti Tver yaxınlığında, Moskva ilə Sankt-Peterburq arasında qəzaya uğrayıb. Rusiya hakimiyyəti bildirir ki, bortda 10 nəfər, o cümlədən “Vaqner” ÖHŞ-nin sahibi Yevgeni Priqojin ölüb.

"Hələlik Priqojinin təyyarədə olmasına dair heç bir dəqiq sübut yoxdur və onun müstəsna təhlükəsizlik tədbirlərindən istifadə etdiyi məlumdur. Lakin onun həqiqətən də ölməsi ehtimalı yüksəkdir", - məlumatda deyilir.

Britaniya kəşfiyyatının fikrincə, Priqojinin ölümü  "Vaqner" qrupunda sabitliyi demək olar ki, ciddi şəkildə pozacaq. Onun şəxsi keyfiyyətləri - hiperaktivlik, müstəsna cəsarət, nəticəyə can atmaq və ifrat qəddarlıq onun  hansısa bir davamçısında çətin ki, tapılar.

QAZİLER.AZ