Bodrumda "Blue" adlı 160 metr uzunluğunda olan nəhəng yaxtaya təxminən 25 tankerlə 700 min litr yanacaq tədarük edilib.

Qaziler.az AA-ya istinadla xəbər verir ki, yaxta Kayman adalarının bayrağı altında olan üzüb.

Xəbərdə qeyd edilib ki, ötən həftə Bodrumda lövbər salan və daha sonra Marmarisə gedən yaxta yenidən Bodruma qayıdıb.

25 tankerlə yaxtaya təxminən 700 min litr yanacaq daşınıb. Günortadan əvvəl başlayan tədarük axşam saatlarında da davam edib.

Qoşa helikopter meydançası, çimərlik klubu, idman zalı, üzgüçülük platforması, eyvanlı kabinlər, su təmizləmə sistemi kimi imkanlara malik olan yaxta 48 nəfəri qəbul edə bilir.

Beynəlxalq internet saytlarında 2022-ci ildə tikilmiş və Birləşmiş Ərəb Əmirliklərindən olan Şeyx Mansur Bin Zayed Al-Nahyana məxsus olduğu bildirilən lüks yaxta dünyanın ən böyük motorlu yaxtaları arasında beşinci yerdədir.

QAZİLER.AZ