İki avstraliyalı çap olunmuş silahlara görə ittiham olunur.

Qaziler.az xəbər verir ki, bu barədə yerli 9News telekanalı bildirib.

Avstraliyada hüquq-mühafizə orqanları 3D printerdən istifadə edərək silah hazırlayan 59 və 38 yaşlı iki nəfərə qarşı ittiham irəli sürüb. 

Əməliyyat 4 ay davam edib.

Kanalın məlumatına görə, axtarışlar zamanı polis həmin şəxslərdən 4 silah, həmçinin bir neçə silah hissəsi, çertyoj və 3D printer müsadirə edib.

"İndi bizim üçün problem bu [silahların] həyətyanı sahədə və evlərdə hazırlana bilməsidir və biz yeni tendensiyanın güclənməsindən narahatıq", - deyə komissar müavini Kayli Uaytli deyib.

Oxşar hadisəyə görə 2022-ci ilin iyununda 18 yaşlı avstraliyalı həbs olundu. Telekanal xatırladıb ki, o, yarı avtomatik tüfəngin 3D çapına görə oxşar ittihamlarla üzləşib.

E-Jet 3D Printing şirkətinin sahibi, 3D çap üzrə mütəxəssis Elliot Teunissen bir çox istehsal çertyojlarının onlayn olduğunu söylədi. O vurğulayıb ki, bu silahların İnternetdən çıxarılması üçün daha çox iş görülməlidir, o zaman çap olunmuş tapançaları, tüfəngləri və digər silah növlərini sərbəst əldə edə bilən insanların sayını azaltmaq mümkün olacaq.

QAZİLER.AZ