Kanada dağlarında gecə saatlarında kiçik bir təyyarə qəzaya uğrayıb.
APA xəbər verir ki, bu barədə CBC telekanalı məlumat yayıb.
Hadisə nəticəsində təyyarədə olan 6 nəfərin hamısı həlak olub.
Qeyd olunur ki, təyyarə cümə günü yerli vaxtla saat 21:00 radələrində (Bakı vaxtı ilə şənbə günü 7:00) Kalqari şəhəri yaxınlığındakı hava limanından havaya qalxıb.
Yerli vaxtla saat 01:00 radələrində təyyarənin radarlardan itdiyi barədə məlumat daxil olub.
Faktla bağlı araşdırma aparılır.
