Vladimir Putin Zimbabve prezidenti Dambuzo Mnanqaqvaya helikopter hədiyyə edib.
Qaziler.az Rusiya mətbuatına istinadən bildirir ki, Zimbabvenin İnformasiya Nazirliyi “Twitter” səhifəsində Rusiya prezidenti Vladimir Putinin dövlət başçısı Emmerson Mnaqaqvaya prezident helikopteri hədiyyə etdiyini bildirib.
“Zati-aliləri Prezident Putin Zati-aliləri Prezident Emmerson Dambuzo Mnanqaqvaya prezident helikopteri hədiyyə etdi və bu helikopter tezliklə Zimbabveyə çatdırılacaq”, - mətbuat xidməti bildirib.
Yazıya bir neçə fotoşəkil əlavə olunub.
Dövlət başçılarının görüşü iyulun 27-də Sankt-Peterburqda Rusiya-Afrika sammiti çərçivəsində baş tutub.
QAZİLER.AZ
