Yunanıstanın Maqnisiya bölgəsində baş verən yanğınlarla bağlı vəziyyət nəzarətdən çıxarkən, alov hərbi təyyarələrin sursat anbarına çatarkən partlayış baş verib.

Qaziler.az Türkiyə mətbuatına istinadən bildirir ki, Yunanıstanın sahilyanı Nea Agialos şəhərində güclü partlayış səsləri eşidilib və bəzi sakinlər təxliyə edilib.

Alov hərbi təyyarələrin sursat anbarına çatarkən partlayışın təsirindən ətrafdakı evlərin şüşələri sınıb.

Güclü külək səbəbindən yanğın sürətlə yayılmaqda davam edir.

Bölgədə təxliyələr də dəniz yolu ilə həyata keçirilib.

Qeyd edək ki, ölkədə günlərlə davam edən meşə yanğınlarında 4 nəfər ölüb.

Yunanıstanda iyulun 17-də başlayan meşə yanğınları davam edərkən, Türkiyə, İsrail, Misir, Bolqarıstan, İtaliya, Malta, Fransa, İordaniya, Polşa, Rumıniya və Slovakiya yanğınlara müdaxilə etmək üçün yardım göndərib.

QAZİLER.AZ