Britaniya Mərkəzi Afrika Respublikası və Sudandakı "Vaqner" ÖHŞ ilə əlaqəli olduğu iddia edilən fiziki və hüquqi şəxslərə qarşı sanksiyalar tətbiq edib.

Qaziler.az xarici mətbuatına istinadən bildirir ki, Böyük Britaniya Mərkəzi Afrika Respublikası və Sudanda Rusiyanın “Vaqner” özəl hərbi şirkəti ilə əlaqəli olduğu iddia edilən fiziki və hüquqi şəxslərə qarşı sanksiyalar tətbiq edib. Bu barədə Britaniya hökumətinin saytında dərc olunmuş press-relizdə deyilir.

Sanksiya siyahısına Sudanda qızıl hasil etdiyi iddia edilən Yevgeni Priqojinin ("Vaqner" ÖHŞ-nin təsisçisi) "M Invest" şirkəti daxildir.

Sudanın “Maroe Gold” və “Al-Solag Mining Company” şirkətləri, həmçinin Mərkəzi Afrika Respublikasında fəaliyyət göstərən “Lobaye Invest Sarlu” və “Sewa Security” də eyni siyahıda yer alıb. Onlar ölkədə sülh və sabitliyə xələl gətirən fəaliyyətlərdə ittiham olunurlar”. Britaniya hökuməti bütün bu şirkətlərin "Vaqner" ÖHŞ ilə əlaqəli olduğunu iddia edir.

QAZİLER.AZ