Rusiyanın Kuban vilayətində qəzaya uğrayan Su-25-in pilotu həlak olub

Qaziler.az Rusiya mətbuatına istinadən bildirir ki, Kubanda qəzaya uğrayan Su-25-in pilotu ölüb. Bu barədə “112” Telegram kanalı məlumat yayıb.

Həmçinin, pilotun xilas olduğu haqda bir qədər əvvəl məlumat yayan "Baza" və "Shot" kimi aparıcı nəşrləri də pilotun ölümü ilə bağlı məlumatlar yayıb. 

Onlayn medianın yenilənmiş məlumata görə, suya düşən pilot suda olarkən boğulub. Xilasedicilər onu huşsuz vəziyyətdə sudan çıxara bilib və o,  sahilə çıxarıldıqdan sonra ölüb.

Krasnodar diyarında Yeysk yaxınlığında təyyarə qəzası haqda məlumat iyulun 17-də yayılıb. İlkin versiyaya görə, hücum təyyarəsinin düşməsinə səbəb texniki nasazlıq ola bilər.

Hadisə videoya çəkilib.

QAZİLER.AZ