Çin “LandSpace” şirkəti tərəfindən metan və maye oksigenlə hazırlanmış “Zhuque-2” adlı raketini kosmosa göndərib.

Qaziler.az AA-ya istinadla xəbər verir ki, uğurla buraxılan raket bu sahədə dünyada ilk olaraq qeydə alınıb.

Özəl aerokosmik şirkəti “LandSpace” raketin kosmosa buraxılması ilə bağlı açıqlama verib.

Qobi səhrasındakı Jiuquan peyk buraxılış mərkəzindən buraxılan “Zhuque-2” daşıdığı yükü Günəşlə sinxron orbitə uğurla çıxaran ilk metanla işləyən raket olub.

Yanacaq kimi maye metan, oksidləşdirici kimi maye oksigeni istifadə edən raket aşağı orbit üçün 6 ton, günəşlə sinxron orbit üçün isə 4 ton daşıma qabiliyyətinə malikdir.

“China Space News”un məlumatına görə, raketin uzunluğu 49,5, diametri isə 3,35-dir.

QAZİLER.AZ