Səudiyyə Ərəbistanının Kralı Selman bin Əbdüləziz bu il Həcc mərasimi zamanı baş vermiş faciə ilə əlaqədar bir neçə şəxsi vəzifəsindən azad edib. APA-nın xəbərinə görə. Kral Həcc işləri üzrə nazir Bender bin Məhəmməd əl-Hacar, Məkkənin bələdiyyə başqanı Usamə Fadl Əl Barr və şəhərin polis rəisini vəzifəsindən azad edib.
Qeyd edək ki, bu il sentyabrın 24-də Həcc ziyarətinə getmiş zəvvarların Mina dağında “şeytan daşlama” mərasimi zamanı yaranmış izdihamda 769 nəfər ölüb, minə qədər insan xəsarət alıb.Hadisə ilə bağlı Kralı Selman bin Əbdüləzizin göstərişi ilə araşdırma başladılıb.
