Ukrayna müharibəsində orduya dəstək verən, Rusiya prezidenti Vladimir Putinin ən yaxınlarından biri olan “Vaqner” muzdlu əsgər şirkətinin rəhbəri Yevgeni Priqojinin bir çox ölkələrə xarici görünüşünü dəyişərək getdiyi məlum olub.

Qaziler.az Türkiyə mediasına istinadla xəbər verir ki, Rusiya xüsusi xidmət orqanları Priqojinin parikli və dəyişik görünüşünlü fotolarını yayımlayıb.

Priqojinin həyatı ilə bağlı bir çox suallar olsa da, “Vaqner”in Moskva və Sankt-Peterburqdakı ofislərində axtarışlar aparılıb. Axtarış zamanı Priqojinə məxsus pariklər aşkarlanıb.

Priqojinin bu pariklərdən istifadə edərək xarici görünüşünü dəyişdirdi, “Vaqner”in fəaliyyət göstərdiyi Liviya, Suriya, Mali və Mərkəzi Afrika Respublikası kimi ölkələrə daxil olduğu ortaya çıxıb.

QAZİLER.AZ