Sosial şəbəkələrdə iş adamı Yevgeni Priqojinin Sankt-Peterburqdakı malikanəsində və ofisində aparılan axtarışların görüntüləri peyda olub.

Qaziler.az “nyus.ru”ya istinadla xəbər verir ki, fotoları “Mash Telegram” kanalı yayıb.

Əməliyyat tədbirləri zamanı malikanədə odlu silah arsenalı, balyoz, pariklər, müxtəlif adlarda pasportlar və altı milyard rubl aşkar edilib. Odlu silahlar arasında iki “Sayqa” karabini, tüfəngli Avstriya “Steyr”i, “Arka” yarı avtomatik tüfəng və fərdiləşdirilmiş “Glock” olub.

Kanal əlavə edir ki, səhmdarları arasında həyat yoldaşı Yevgeniya Lyubovun da olduğu Sankt-Peterburqdakı “River Palace” otelində “Citroen” mikroavtobusu dayanıb. Maşında 80 qutuda altı milyard rubl nağd pul olub.

QAZİLER.AZ