ABŞ Mərkəzi Kəşfiyyat İdarəsinin məlumatına görə, Kuk adaları, Latviya və Çexiya ən çox içən dövlətlər arasındadır.
Qaziler.az xarici mediaya istinadən bildirir ki, Kuk Adaları dövləti adambaşına illik 12,97 litr təmiz spirt istehlakı ilə alkoqoldan sui-istifadə üzrə dünya rekordçusu oldu.
Reytinq tərtib edilərkən 2019-cu il üzrə dünyanın 189 ölkəsində spirtli içkilərin istehlakı ilə bağlı məlumatlar təhlil edilib. MKİ-nin məlumatına görə, ilk beş içki içən ölkəyə Latviya və Litva da daxildir - adambaşına ildə müvafiq olaraq 12,9 litr və 11,93 litr təmiz spirt istehlak edən iki keçmiş Sovet respublikası, Çexiya (12,73 litr) və Avstriya (11,9 litr). İlk onluqda həmçinin Estoniya (7-ci yer, 11,65 litr) və Bolqarıstan (9-cu yer, 11,18 litr) yer alıb.
ABŞ sakinləri ildə 8,93 litr spirtli içki içir və 35-ci yeri tutur, Rusiya adambaşına illik 7,29 litr istehlakla 56-cı yerdədir.
Amerika kəşfiyyatının məlumatına görə, Gürcüstan, Moldova və Serbiyada ildə 7,45 litr (53-55-ci yer), Ukraynada - 5,69 litr (77-ci yer), Ermənistanda - 3,77 litr (99-cu yer), Qazaxıstanda - 3,73 litr içirlər. (100-cü yer), Belarusda - 10,57 litr (18-ci yer), Qırğızıstanda - 4,02 litr (96-cı yer),Tacikistanda - 0,85 litr (156-cı yer), Özbəkistanda - 2,45 litr (124-cü yer), Türkmənistanda - 2,88 litr (117-ci yer) alkaqol qəbul edilir.
Reytinq cədvəlinə görə, Azərbaycanda ildə 1,38 litr spirtli içki qəbul edilib və ölkəmiz siyahıya görə, 142-ci yerdədir,
Mərkəzi Kəşfiyyat İdarəsi spirtli içkilərin satışının məhdudlaşdırıldığı islam ölkələrini - Somali, Səudiyyə Ərəbistanı, Mavritaniya, Küveyt və Banqladeşi alkoqolsuz ölkə adlandırıb.
QAZİLER.AZ
